Nomber completo: Jennyree Geerman
Reina di Carnaval 2008 representando Majestic Carnival Queen
Kico mas bo gusta di nos Carnaval?
Mihor bo puntra kico mi no ta gusta (-;
Di mucha semper mi gusta ta den Carnaval y ainda mi ta gusta esey, pero eta dificil pa no gusta Carnaval den su totalidad. Mi gusta e festivalnan y e musica. Eleccion nan di Reina sigur ta mi favorito nan,pero mi gusta tambe e parti di yuda reinanan, traha riba costume, haci makeup pa e parada y evento nan y sin kita cumi gusta wak e paradanan tambe. Y awor cumi ta mama mi gusta pami yiu ta envolvi cu actividad nan di Carnaval.
Kico Carnaval ta nifica pa bo?
Carnaval ta un di e celebracionan mas importante di nos cultura, eta parti dimi bida y mi no lo por imagina nos Isla sin Carnaval. (2 aña di break ta suficiente)
Cual actividad di Carnaval cu no ta parada bo no ta perde tur aña?
Mi no ta perde niun Eleccion di Reina.
Cual ta e personahe di carnaval cu mas bo ta admira? Y dicon?
Esey ta pregunta dificil, ja cumi ta admira tur cu ta duna di nan banda pa mantene nos Carnaval bibo. For di e musiconan te na lider nan di grupo kende ta esnan cu di trempan ta cuminsa anima tur hende pa doet mee cu e paradanan y celebra Carnval.
Bo ta kere cu SMAC por a haci algo tog e aña aki?
SIGUR CU SI!
Ta parse cu ta pensa cu Carnaval ta parada solamente y cu si no por tin parada no por tin niun otro actividad of manera pa celebra Carnaval.
Festival nan sigur den mi bista por bay door mescos cu a hasi cu p.e un Canto pa nos Himno y Bandera. Por tin sigur programa nan na radio of televishon y dimes e coronacion y competencia nan treci dilanti den otro manera , Internet pa duna nos hopi posibilidad, pero na final mester tin e gana. Si e organisacion NO tin e gana, nada no lo wordo haci.
Si abo tabata president di SMAC kico abo lo a haci e aña aki?
Ami sigur lo a haci actividad nan virtual.
Y apesar di cu no tin parada mi lo motiva musico nan pa sacanan cantica nan di Carnaval y den sierto manera participa pa bira e jam di e aña abase di voto nan.
( Foto coleccion Rossini van Wijk)
Si carnaval sigui den 2023 bo lo ta aden of na banda??
Mi no por warda pa Carnaval ta on bek!
Si ta e aña aki mes ainda mi lota aden. Pami Carnaval no mester ta un temporda specifico. Esnan cu ta stima y gusta Carnaval lo bisa mescos. No ta kita si cu Carnaval mester di su debido preparacion.
Bo mensahe pa tur nos carnavalistanan
Ban sigi stima Carnaval y no lage keda benta un banda, ban lucha pe por ta on bek mas lihe posibel. Nos Cultura y Tradicion no mag bay perdi.
Comments