Despues cu nos a tende cu Cecilito a termina su relacion di trabou na su ultimo radio, nos a busk’e pa haya sa na unda e ta bay, e no kier a bisa na unda, pero si tabata den negosacion cu varios emisora. Como un personahe di radio cu ta dedica 100% na radio y su comerciantenan ora di haci un cambio no por keda hopi for di aire pa motibo di compromisonan cu e comerciantenan.
Awe e ta informa nos cu despues di varios reunion cu propetario di Blue FM, Dj Corsou ela keda cla y a firma ayera e contract cu ta haci su entrada na radio Blue FM oficial.
Dj Corsou ta hopi contento cu yegada un bez mas di Cecilito, den pasado nan a traha bon hunto.
Dj Corsou a laga sa cu den 2022 Blue FM lo score atrobe cu un bon programacion varia y transmicionan di deporte. Den poco tempo por a scucha diferente voznan nobo cu ta zonando na e radio cu a hibe e radio na mas sintonia.
Aunke e orario di 2pm-4pm tabata disponibel pa Cecilito, ela opta pa un orario anochi 8or pa 10or, Cecilito tin un concepto nobo di programa cu lo ta mas miho den oranan di anochi.
Su transmicion lo tuma lugar enbibo den su ‘home studio’ y aki e ta manda señal directo pa radio y su website www.cecilitolopes.com
Cecilito ta agradecido na tur su amistadnan, conseheronan y comerciantenan cu a apoye den e reto nobo aki.
Nos ta desea Cece tur clase di exito na Radio Blue FM 107.5
Aki ta sigui e trayectoria di Cecilito Lopes cu e aña aki ta celebra 36 aña den radio.
01 june 1986 radio antillana 1270 (5 aña den aire)
Radio Caruso Booy ( 15 aña den aire)
Mi FM 107.5 cu awor ta Blue FM ( 5 aña den aire)
Radio BO GUIA (5 aña den aire)
BLUE FM 107.5 ( 3 Aña den aire)
Radio Aruba 91.5 FM Y TOP FM 95.1 (2 aña den aire)
Comments