Mundo di radio ta conoce varios cambio manera custumber na comienso di aña, hopi radio ta evalua nan programacion y ta haci cambio y adapta na e peticion di e oyentenan.
Radio awendia no ta manera antes mas, tur radio ta competi cu internet y diferente plataformanan digital y pabo keda resalta bo mester ta pendiente di e inovacion y gusto di bo grupo di oyentenan.
Pa un radio e ta un reto cada momento pa trece cambio, nos a compronde cu tin 2 otro radio emisora cu tambe ta drentando den aire di cual ta haci e competencia mas fuerte entre nos radionan local.
Arthur ta un persona cu den pasado tabata tin su programa tipico na Radio Bo Guia, e ta un amante di musica folkor y caha di orgel, na Top95 elo presenta su programa entre 2pm-5pm.
Esaki ta un orario cu hopi demanda y ta wordo considera como un di e orarionan mas cayente na radio, e competencia den e orario aki ta grandi,pero cu e carisma y perseverancia Arthur e por logra conkista su oyentenan pa ta cune den e orario interesante aki.
Nos ta desea Arthur tur clase di exito cu su show nobo na radio TOP95
Comments